Pórtico

O multibuscador Pórtico é o portal de acceso aos múltiples recursos de información de que dispón a Biblioteca Universitaria de Santiago: catálogo da BUSC e outros catálogos de bibliotecas, bases de datos referenciais e a texto completo, revistas e libros electrónicos, e outros recursos en Internet.

A través de Pórtico poderá coñecer os recursos dispoñibles na súa área de coñecemento e lanzar sobre eles consultas simultáneas, o que permite un primer achegamento ao seu tema de interese. En ningún caso pretende substituír as amplas funcionalidades de busca que ofrecen os portais ou as bases de datos na súa interfaz orixinal.

Pódese acceder a Pórtico dende calquera ordenador pertencente ao dominio usc.es, a través da páxina web da biblioteca ou do enderezo http://portico.bugalicia.org/ml/?c=usc Os usuarios autorizados poden acceder dende fóra do dominio da USC a través do proxy.

SFX

SFX é un buscador e enlazador de recursos electrónicos. Esta aplicación permite:

• Buscar na colección de revistas e libros electrónicos da biblioteca a través da lista A-Z ou de formularios de busca (título, materia, editor ou issn). Débese ter en conta que a busca non se fai no contido das obras, senón nos títulos das mesmas.
• Acceder ao texto completo de artigos, libros, actas de congresos, estándares, etc.
• Enlazar dende bases de datos referenciais ou desde os portais dos editores nos que aparece o botón SFX, ao texto completo dos artigos ou dos libros.
• Dispoñer, dende o menú que oferta o SFX, doutras funcionalidades como consultar o catálogo web da biblioteca, buscar noutros catálogos, solicitar o documento a través do servizo de préstamo interbibliotecario, descargar as referencias en Refworks, coñecer o factor de impacto da revista, lanzar buscas en Google Scholar, etc.

Acceder a SFX