Xestor de citas bibliográficas

• Acceso a RefWorks
• ¿Que é RefWorks?
• ¿Como acceder a RefWorks?
• Titoriais de RefWorks
• Oferta de cursos en liña

Que é RefWorks

RefWorks é unha ferramenta que permite xestionar referencias bibliográficas en liña. Entre outras cousas, o usuario pode:

• Crear unha base de datos persoal para almacenar referencias importadas doutras bases de datos (ScienceDirect, ProQuest, Google Scholar, catálogos de bibliotecas...) ou engadidas manualmente.
• Clasificar as referencias almacenadas creando carpetas temáticas, por asignatura, proxecto...
• Dar ás citas almacenadas o formato bibliográfico desexado (MLA, Vancouver, Chicago, APA, personalizado...) e exportalas a un documento de texto.

Como acceder a RefWorks

RefWorks está dispoñible gratuitamente para toda a comunidade universitaria.

Acceda a http://www.refworks.com/refworks e introduza o seu nome de usuario e contrasinal se xa creou a súa conta. Se aínda non dispón de conta, deberá creala picando na opción "Regístrese para una Cuenta Individual".

¡Importante!: Cando cree a súa conta de RefWorks debe facelo dende un ordenador pertencente ao dominio da USC. Só se permitirá crear unha conta en RefWorks a usuarios con enderezo de correo electrónico pertencente á USC.

Unha vez rexistrado, recibirá un correo electrónico de benvida no que se incluirá un "Código de Grupo", imprescindible para utilizar RefWorks dende calquera ordenador de fóra da Universidade.

Titoriais de RefWorks

•  Guía de inicio rápido (Galego) (792 Kb)
•  Guía de inicio rápido (Castelán) (1,41 MB)
• Guía de RefWorks (pdf) [2,88 MB]
•  Titorial RefWorks - Opcións básicas (3,25 MB)
•  Titorial RefWorks - Opcións avanzadas  (2,24 MB)
•  RefWorks: Importación dende outras bases de datos  (337 Kb)
• RefWorks (en inglés)